肥仔变美魔男 森美用轻断食法减肥：净系食一餐晚餐

森美昨日（17/9）现身尖沙咀出席网上格价平台主办的第一届精明消费之选2019颁奖典礼。森美透露早在十多年前时，试过从内地网站网购一张价值5万元的梳化：“𠮶阵时啲人喺网上买嘢都系几百蚊嘢，而我就大胆一试，买咗一张几万蚊嘅皮梳化，啲人都话癫，其实当时我都好惊，因为套梳化系造旧效果款式，但最后收货冇问题，真系松一口气。”

有美魔男之称现年45岁的森美，不但才口才了得，还拥有让男士见到都妒忌健硕身型，森美直言：“除咗做运动之后，喺饮食方面自己就采用紧‘intermittent fasting’（轻断食法），宜家将唔食嘢嘅时间拉长咗，一日净系食一餐晚餐，其实我哋食嘅嘢营养已经够，但我发觉一日食多餐，而每餐都食得少嘅时候，肚饿嘅感觉好强烈，如果每一餐都食得唔够嘅时候，我会觉得好折磨，但仲有一样减肥秘诀都好重要，就系个谂法，你唔好话自己唔可以食嘢，因为你讲唔可以呢就系一种束缚，咁所以你个脑就会被束缚住，你就会觉的好辛苦，如果你话唔需要食嘢嘅时候，你个脑就会觉得冇需要，就会容易减到肥。”

提到早年刚加入电台做DJ时，森美透露被电台高层照肺要求减肥：“𠮶阵时细个系肥仔底，减肥都系靠运动，到我入电台做part time嘅时候，成日要返工，开始冇做运动，好记得当时有位电台高层同我讲：‘虽然做DJ唔使见样啫，但都系半个幕前㖞，你好减肥㖞’咁跟住我就开始减肥啦！”森美续说：“好记得跟住又要拍戏《我要做Model》，谷德昭又讲我讲：‘演技我就唔要你啦，你畀啲腹肌我睇下’，咁所以由个阵时开始系我人生当中开始减肥。”