贾思乐大赞向海岚歌喉　坦言最担心毛舜筠表现

将于十一月中举行演唱会嘅贾思乐（Louie），联同嘉宾之一向海岚（Anne）接受“香港开电视”《娱乐头条 E-News Headline》主持植咏珊（Cathy）专访，Louie笑指Anne向佢献出第一次，又指六位演唱会嘉宾中，最令他担心嘅其实系毛舜筠！

Louie表示今次举行演唱会part 2，系因应好友廖安丽要求，佢笑言：“本来对于开part 2我系懒懒闲，攞到期咪开啰果只，不过廖安丽话佢间慈善机构就快“无水”，希望我快啲开演唱会帮佢地筹款，所以我先开始著紧啲筹备！”Louie有感过去和不少女歌手合作过，为求新意，今次特别邀约６位非唱家班“女主角”担任嘉宾，包括毛舜筠、戚美珍、陈秀雯、杨思琦、陈炜以及Anne。

对于向海岚嘅唱功，Louie赞赏不已：“有次我无意中在社交平台听到佢唱live，当下“登”一声：乜原来佢识唱歌架，仲唱得好好添呀！”所以对于Anne做嘉宾，Louie毫不担心，相反令佢最担心，反而是舞台经验丰富嘅毛舜筠。Louie笑言：“毛舜筠仲要向难度挑战，选唱英文歌！唉，我本来就应承晒６位嘉宾，如果有需要，我可以陪佢地唱K练歌，睇来我要畀多啲时间毛舜筠！”