杨丞琳私生活被侵扰罕有网上怒轰　“跟踪和追星不一样！”　

一向相当疼锡FANS嘅杨丞琳，出道19年以来出名脾气好好，即使面对传媒尖锐问题一样长现高EQ，但呢日佢居然一反常态于网上留言发炮怒轰，到底边个激亲佢？

Rainie早一日先喺IG分享做完运动嘅好心情，仲话之后会同大家分享做运动时嘅歌单。点知相隔几个钟后，佢喺IG STORY以灰底黑字留言话：“我未来，不会跟影响我私生活的粉丝，有任何互动，你/妳不尊重的时候，我也不需要尊重你/妳，追星不是这样追的，素质在哪里呢请问？”

粉丝想亲近偶像嘅心情可以理解，但过咗火位影响到艺人私生活，甚至感受到生命安全受威胁，就不得不强硬回应，好似王嘉尔之前就当众质问粉丝系咪公开佢嘅航班资料。而Rainie相隔一个钟后亦再留言话：“跟踪跟追星不一样，请搞清楚。”相信应该系被粉丝私下尾随令佢不得不动怒。