张达伦表明恨生女　请教徐荣生女秘笈：两个月后听我好消息

徐荣与张达伦今日（16/9）现身湾仔出席好友杨明炖汤新店开幕。达伦表示：“其实做饮食业真系好难搞，真系力不到不为财，真心佩服阿杨（杨明），开完一间又一间，谂佢都有排开，其实我之前都有叫过佢去另一个地方搞炖汤，不过佢唔理我，因为我觉得汤水系好重要，好多上班一族根本都冇时间去煲汤，咁其实真系有得搞，等我再撩下佢再合作下先。”
 

已有一子的张达伦，表明想追多一个女：“如果可以好似阿荣（徐荣）个囡咁可爱，呢份合约我签硬。”阿荣笑言：“系囡嚟㗎，我帮你签呀！如果系就快，我可以提供意见畀你。”达伦续说：“咁过两个月听我好消息啦！”