麦美恩知森美患有色素瘤后爆喊 ：佢唔止系大哥，都系我哋榜样！

麦美恩（Mayanne）今天（15日）与森美出席公开活动，而森美早期在拍摄节目中自揭口腔中有色素瘤，吓怕了身边一众不知情的朋友，Mayanne也不例外，她说：“我第一时真心喊咗出嚟，因为我屋企人都经历过类似嘅事件，系难挨等检查嘅期间。我喊原因系好明白作为屋企人好无助但又好想做一啲事去帮助佢嘅感觉，所以睇返个访问我真系喊咗出嚟。”

Mayanne一直当森美是大哥哥，所以她喊完之后也立即去找《森美旅行团》的台前幕后说这件事情：“森美佢好值得鼓励，佢唔单单系大哥，佢都系我哋榜样。佢好少讲自己私人事，佢能够讲得出自己发生咩事都需要好大勇气，我觉得系值得赞赏。”

原来Mayanne也曾遇过有家人患癌的事情，所以今次她特别感触：“我屋企人经历过癌症，森美怀疑自己有癌细胞我都好明呢个过程。我都经历过有好同唔好嘅结果，所以变咗拎出嚟讲系好事，因为好多人面对困难唔识表达。”