【早霸王】女听众霸气宣示主权　森美：你系二奶？

由森美、小仪同Marco主持嘅《早霸王》“你知道唔知道有人挂住你”环节，不时都会有听众打去表白或者道歉，甜言蜜语少不了，但今集嘅女听众，竟然甜到连森美都招架唔住，大叫“顶唔顺”。女听众阿慧话想藉节目示爱，并谓：“想要同全世界宣布佢系我男人”，讲到咁霸气，结果竟然换来森美一句“如果你咁讲得一个原因，你系二奶。”并笑言只有小三先会做出宣示主权嘅举动。

阿慧表示同男友相识多年，但由于之前喺谈及感情问题时，对方话到明自己系大男人，而自己又属于受软唔受硬，所以从来都无谂过会喺埋一齐。两年前佢生日，唔知系见到份礼物好感动定点，突然捉住我只手话‘系你架啦，我唔会架啦’”面对突然其来的表白，阿慧坦白系有一丝丝心动，但由于当时自己准备要去澳大利亚working holiday，加上“大男人”呢一点，令阿慧婉拒咗对方嘅好意。之不过，呢位喺阿慧口中“细心对长辈又好”嘅男子并无因而放弃，亦因为咁，最终打动咗阿慧。

既然唔系道歉，又唔系暗恋表白，阿慧呢个case完全唔符合“你知道唔知道有人挂住你”条件，森美仲话“除非你求婚”。结果阿慧竟然话佢今日真系准备求婚，仲话想借《早霸王》向男友埋下伏线！连求婚都埋，森美即时打比阿慧男友阿荣，电话接通，阿慧表示：“因为你知道由细到大最钟意Beauty and the Beast，所以成日讲笑话我系beauty再强迫你系野兽，但其实系你令我由beast变成公主，令我每日都感到到被捧在手心里、被满满的爱包围……”感受到浓浓的爱意，连森美都大叫“死啦我顶唔顺，佢句句我都毛管戙。”