黄翠如唐诗咏孖住游纽约　洪永城一句乱入被窒︰唔识嘢

近日艺人黄翠如就同好姊妹唐诗咏（Natalie）孖住飞到美国纽约出席时装品牌活动，二人一向friend底，不但著“姊妹装”型爆现身，工作完毕她们都即刻变返游客游纽约，Natalie仲话见到翠如都感觉到好幸福𠻹！

呢两日Natalie和翠如都频频在IG晒靓相，她们好有默契地著住同一色系的穿搭出席活动睇时装骚。二人除了睇骚都有一齐去观光，翠如早两日上载照片到IG，见她身后有美丽的城市景色，她就指明是“到此一游的游客照”，不过此时身为翠如的好朋友﹑Natalie的前男友洪永城（Tony）却留言乱入，表示︰“将New York变到好似日本一样，你哋影相真系叻。”究竟是赞还是弹她们的影相技术呢？就要问返佢本人喇，不过翠如就留言回︰“唔识嘢。”妙问妙答，非常搞笑。

而Natalie于周四（12日）就贴了几张在纽约市著名景点帝国大厦影的靓相，无数电影的浪漫画面也在此取景，令这里成为女生们梦寐以求的景点，Natalie也不例外，她说︰“细个睇《缘份的天空》，电影嘅魔力令我相信系帝国大厦会遇上真爱，所以同自己讲一定要去睇。今次真爱未遇到，但见到呢个人都好开心，感觉都好幸福，只系唔知点解，叫佢帮我影相，张张影到好似坐监咁。”虽然有好姊妹在身边都好幸福，但唔知Natalie系咪都有所暗示呢？她的这番话就引来大量粉丝留言指︰“其实那个人一直在身边。”究竟是指翠如还是另有其人呢？就要问返粉丝们喇！

点击下图睇吓更多佢哋嘅靓相︰