【开心速递】中秋节想约阮政峰赏月？　林凯恩：佢有好多人要陪！

林凯恩在近日播出无线电视剧《她她她的少女时代》饰演田蕊妮女儿，知名度立刻急升，工作量亦有增无减。今日林凯恩与阮政峰等人出席《爱‧回家之开心速递》中秋庆祝活动，透露星期五中秋节当日将会到沙田出席公开活动，不过阮政峰去年同样出席沙田中秋活动，今年未有获邀的阮政峰笑言：“今年俾你攞咗去啰！”

林凯恩近日与阮政峰传绯闻，问到阮政峰会否考虑中秋节当晚相约林凯恩赏月，林凯恩却意有所指表示：“佢有好多人要陪㗎！”当记者问到两人会否有机会发展时，林凯恩与阮政峰略显尴尬，阮政峰更表明自己已有另一半：“其实我而家已经有好美满幸福嘅关系，有女朋友，大家见我肥咗就知啦，幸福肥呀嘛，所以唔会（与林凯恩交往）㗎啦！”阮政峰又指女友没有为绯闻“诈型”，但希望他有机会澄清。

既然阮政峰已名草有主，他又有否考虑为林凯恩物色对象？“周嘉洛、马贯东，我都系得呢啲嘅啫，我仲有啲乜嘢啊？”林凯恩则相信上天会为她带来惊喜：“呢啲都系随缘，我都唔知自己想要乜嘢，等个天帮我安排，冇话特定揾边个，顺其自然啦！”

喺林凯恩揾到真命天子之前，大家一齐睇下佢靓相先啦！