【12个夏天】张曦雯罗天宇近距离接触猎豹有代价　课金帮手执便便

《12个夏天》最后一站去到南非，节目中，张曦雯同罗天宇先后去到睇河马、狮子、长颈鹿，昨晚（5日)一集，二人更近距离接触濒临绝种嘅猎豹，仲做埋义工帮手执屎、清理猎豹嘅巢穴，而呢个行程，对于充满爱心又非常钟意动物嘅张曦雯嚟讲，连佢自己都话系行程中“最期待”。

其实对于热爱野生动物的人来说，南非确系义工旅游热点，就以张曦雯同罗天宇拣选嘅Ashia Cheetah Sanctuary为例，距离开普敦45分钟车程左右。游客除可以付费近距离接触猎豹之外，亦可以好似张曦雯咁做义工，但原来做义工，一样都系付费－－1000南非兰特(约68美金)。

话明做义工，当然唔系玩玩下，早上6点就要开工，除准备猎豹嘅食物、喂食之外，仲会学习点同交流，全程需时约12小时。对比起同场嘅其他近距离接触猎豹活动：Meet A Cheetah（见面会）一小时收费约43美元、Weekly Cheetah Runs（睇住佢跑）收费约23美元，做义工似乎较为抵玩同有义意。不过，单睇罗天宇喺猎豹巢穴清理大小异便后，个样好似就快缺氧咁，呢份工似乎都唔易做。