关智斌处男Show获张敬轩任调音师：好感激佢调完天后再嚟帮我搞

关智斌（Kenny）周四（5日）出席时尚品牌活动，提到最近正密锣紧鼓地筹备个人红馆处男Show——《Kenny is Born关智斌演唱会》：“因为都差唔多得返一个礼拜，所有嘢都进入咗大直路嘅阶段，中间虽然有需要协调嘅地方，但系好彩我身边有班好专业嘅团队，所有嘢都帮我解决咗，等我可以好专心咁做好个Show！”

Kenny为了演唱会花了不少时间在排练舞蹈、唱歌、记歌词上：“原来一晚要记咁多首歌嘅歌词，都真系唔系一件容易嘅事。”Kenny日前有在个人社交媒体询问歌迷对歌单的意见，问到会否选择唱多点Sidetrack，Kenny就说：“我唔知Sidetrack嘅定义系咩，因为我未开过Show。我第一次开个人嘅Show，我唔知歌迷会对咩歌特别有反应，所以有喺社交平台收集咗啲意见，从而排咗个歌单。”Kenny又特别重视歌迷的意见：“因为今次系fans帮我集气，开呢个演唱会都系for呢班咁好嘅fans！”

张敬轩早前接受媒体访问，说到将会为Kenny的首个演唱会当调音师，Kenny就笑说：“我梗系接受佢嘅好意啦！我好多谢添！咁专业嘅调音师，为我嘅处男Show去调音，之前佢调容祖儿都调咗十几晚，所以佢调完天后再过嚟帮我搞个Show，我好感激！”张敬轩日前又透露二人将会在当天带来惊喜的舞台，问到会否事先透露一点Hint予歌迷，Kenny就说：“入嚟睇啦！个个都唔讲，唔话畀你哋知！”最后更搞烂Gag：“Hint系有Hins过嚟！”