【后生仔倾吓偈】汪明荃从来唔上讨论区：因为唔可以please所有嘢

最新一集嘅《后生仔倾吓偈》请嚟“阿姐”汪明荃做嘉宾，面对住阿姐，一众后生仔都明显紧张得很，连自我介绍都讲到口震震。曾经掀起“汪阿tag”热潮嘅汪阿姐喺节目中，提到现今好多潮流资讯都系靠上网得知，又话做节目都令佢学识唔少嘢。“不过自己都无谂过要主持《娱乐大家》一个咁嘅节目，所以好紧张，因为唔系自己做开嘅嘢。”估唔到，原来汪阿姐都有紧张的时候。

被问到有无去讨论区嘅习惯时，汪阿姐就话实在无咁多时间，并谓：“如果你唔了解，就无发言权。咁你讨论咩？你根本唔清楚，因为你唔可以please所有嘢，做返自己就最稳阵。”阿姐又指出网民心意千变万化，随时今日爱到要生要死，但翌日就已经可以话唔钟意，所以最紧要系做好本身。

虽然阿姐无去讨论区嘅习惯，但原来佢都知道有网民将佢过往嘅各个经典造型放咗上讨论区，冯盈盈即场揾出《热咖啡》旧照，阿姐睇到之后，竟然表示：“𠮶时真系不知天高地厚，只脚咁矮，竟然够胆著网袜。”之后麦明诗问到曾经有否因为前卫打扮而有所保留，阿姐就话从来都无，并指电视尺度就算系暴露咗都唔好安全。