蔡思贝做姐妹感动到喊　醉心工作未理会余德丞周秀娜绯闻

蔡思贝好友许芷荧（Whitney）与拍拖两年半圈外男友Alexander Fung共谐连理，于尖沙咀举行盛大婚宴，思贝更担任婚礼姊妹：“今次系我正式第一次做姊妹，亲身体会整个传统结婚仪式，当Whitney与Alexander 双方父母讲完一啲祝福嘅说话，一对新人情深互望住对方，读出爱的誓言个一刻时，喺我脑海里即刻浮现出，我同Whitney识于微时嘅时候片段，两个人傻更更咁嘅画面，终忍唔住喊咗出嚟，真系好戥佢开心。”

至于几时结婚，思贝就话：“自己从来都冇谂过，呢一刻我好醉心于工作同拍剧之上，我喺拍剧同做演员嘅生涯当中，得到好多幸福，得到好多快乐，咁所以呢一刻我真系冇谂过几时会结婚，但我好相信right timing嘅时候，唔需要去强求呢个人会出现啦，又或者我嘅婚礼会出现。”对于近日有传绯闻男友余德丞与娜姐（周秀娜）秘挞，思贝表示未有留意相关报导。