【早霸王】森美正面看待学生罢课：佢哋对社会睇法同表达都唔同咗

香港连月来因反修订《逃犯条例》而引起的多场游行示威活动，惟政府至今仍未回应“五大诉求”激发起极大民愤，多间中学的学生发起于今日（2日）开学日罢课。今早商台节目《早霸王》播放一连两小时的“开学特辑”，除了对学生罢课表示正面支持外，亦找来心理学家、老师及社工等人，解答学生因政局不稳而遇到的问题。

森美一向热心关心香港，不但多次透过节目为香港人发声，甚至一边开咪讲到泣不成声。对于学生罢课，他以正面态度看待：“最紧要罢课不罢学，返学都唔代表学嘢嘅，成日好多人学就照返，但返咗学个啲又冇学嘢㖞，罢咗课𠮶日又可能学到嘢㖞！”他表示学校是社会的缩影，而政治已经是生活一部分，学生必定要学会面对：“依家呢个时局里面，我哋生活上嘅政治，一定会入咗学校里面，因为系生活嘅一部分嚟，本身班房入面已经有政治啦！本身学校已经系一个小社会，依家社会上嘅政治如果搬咗入去个班房度就更复杂喇。”

森美笑言现今资讯发达，当年学生时代的自己远远不及现时的学生：“以前读大学试过走堂，罢课都真系未试过，依家学生吸收资讯同我哋真系差好远，对社会嘅表达同睇法都唔同咗。”他坦言绝对尊重不同政见的人，亦不反对人们因不同政见而互相指骂，但绝不能姑息那些站在道德高地上，侮辱他人的人：“你喺政见上闹交，喺议会上面闹交，因为系工作嚟，正如喺拳赛入面系对手关系，我一定唔会留手。但某一啲人，撇除政见，系对于呢个世界嘅睇法、道德、对与错、善与恶，你都可以嬲佢，您可以唔同佢做朋友，有啲嘢唔系政见（唔同）嘅问题，而系个人真系冇道德！我可以唔同你做朋友，但系我唔会侮辱你、陷害你。”

他又告诫学生们不要情绪太波动，最重要的是不要让情绪支配自己的理智：“人始终都系动物，无可能100%理性，始终都会有情绪，作为一个动物，情绪有时候真系会战胜理智。我哋平时都会发脾气发牢骚，去到呢啲大是大非嘅时候就更加容易受影响啦！”