董敏莉爱女子子成广告商竉儿：呢两个月赚咗两年学费

近年艺人唔再将家人收收埋埋，特别系生咗小朋友之后，日日都POST相开心SHARE，星二代都储落唔少粉丝﹗董敏莉（Monie）囡囡子子样儿精致，眼大大面圆圆仲好钟意笑，深得大家欢心，仲被广告商睇中，同Monie母女档拍广告。

Monie就话子子尽得自己真传，不停摆Pose甚有模特儿天份：“平时做野都会带埋佢一齐，可能佢睇得多学识摆Pose，加上佢好多笑容，好似几适合呢行！其实我都唔反对佢做童星，依家慢慢系客户想揾佢，我掹车边先有工开咋，呢两个月都赚咗两年学费喇！”

女大女世界，只系无谂过咁快，Monie笑言囡囡近日返学主动“撩男仔”：“佢一见男同学就好热情，主动撩人玩，吓到对方喊晒口！我都叫佢保持矜持，女仔要等男仔追先馨香。”早前拍摄ViuTv剧集上映在即，戏中更与梁汉文激吻：“依家梗系唔比囡囡睇啦，佢仲细个！费事佢以为Edmond系爸爸叫错晒，搞到老公呷醋！大个同佢一齐睇番，当性教育之余，比佢知道妈咪工作系咩！”

更多子子可爱靓相：