【夏萍设灵】契仔林家栋激动流泪：我返嚟见到佢最后一面

资深女星夏萍于本月12日离世，终年81岁，今日于红磡万国殡仪馆孝思堂设灵，其契仔林家栋下午到场打点并接受传媒访问。

林家栋表示契妈生前想土葬，因为她很怕花，亦有说契妈的岁数是81岁，有其他的岁数说法是因为契妈当初在香港为了方便找工作，所以将年纪报大，他说：“其实佢嘅嘢我都唔系问太多，因为有时佢都几倔强，有时佢唔愿意讲我唔会问佢，佢讲咁多我就听咁多。”

至于夏萍的病情，家栋说：“其实佢7月底就中风，中风之后因为佢本身有糖尿病，又有高血压，所以好多时医生就讲咗，预咗呢个薄血药会影响某啲病，用咗𠮶啲嘢又会影响其他病，医生话佢呢个年纪亦都好难去做一啲好大嘅动作去帮佢手，唯有用药物慢慢去吊住吊住，希望佢可以冇咁辛苦。当然我喺国内开紧工，我听到呢个消息就问医生可唔可以挨到我返落嚟，佢就话尽人事。最紧挨咗两个礼拜，我返嚟系见到佢最后一面。”

有记者问到夏萍姐会否有遗言，家栋说：“佢成日都担话自己走咗之后会点，我话唔使担心喇，我喺度，其实佢晚年嘅时候，佢一个人其实几孤独，我可以做嘅就系成日陪佢。直至佢入护老院我都要哄佢入，十年前我叫佢佢唔肯入，到早几年跌低咗，十个钟头先知道，我话唔得一定要入。于是我问杜sir可唔可以尽快安排佢去艺进同学会护老院，三日之内帮我搞掂咗，先可以畀到佢安定。佢自己问将来走咗之后会点，我话你定喇，你叫得我做囝，我叫得你做阿妈，总之我一定会照顾你到尾。”说到这里，家栋再次落泪。