【12个夏天】孔德贤爆张宝儿有艳遇　麦凯程：唔好畀袁伟豪知！

麦凯程（Alex）、孔德贤（Danny）和张宝儿早前三人行，远赴希腊拍摄无线旅游节目《12个夏天》。今日（16/8）在记者会上，Alex与Danny就大爆张宝儿在当地大受男士欢迎的趣闻，Danny说：“我哋去咗一个好出名嘅小岛，喺个岛上面我哋一个华人都见唔到，本身宝儿佢身上都散发出一种中国女人味，岛上嘅外国人对佢特别有意思，佢同啲男士特别好倾，边饮酒边跳舞，所以我哋喺佢旁边好似保安睇住佢。”

Alex则透露：“我哋见到佢同啲男士玩得咁开心，边跳舞边饮酒，玩得咁高兴，我哋为有喺旁边帮佢影下相，宝儿仲吩咐我哋唔好话畀佢男友（袁伟豪）知。”问有否影低罪证？Danny笑言：“宝儿佢揿晒掣超亢奋，如果影低佢啲罪证，相机都掟烂你，哈哈，宝儿本身都好好嘅，佢喺呢行咁有经验，教识咗我哋好多嘢嘅。”