【包青天．专访】张振朗被天降横祸负伤拍剧︰呢套剧唔系咁容易拍

从八年前完成无线艺员训练班后出道到现在，张振朗的星途似乎并不是一帆风顺，近来，有份“担正”主演的剧集接二连三被抽起，被外界封“地狱黑仔王”，不少网民或朋友都替他感到不值，或许也是因祸得福。直到近期有份主演的剧集《包青天再起风云》播出，距离上一套出街的《踩过界》至今，足足有两年时间，好像诸事不顺，但张振朗却有他的一套处事哲学，他笑言有经历才有得著。剪接︰吕志豪摄影︰陈顺祯短片︰李伟轩场地：桔梗

决心做一个不一样的展昭

在《包青天再起风云》中，张振朗饰演经典角色展昭。讲起展昭，笔者想起的一定是由何家劲在1993年《包青天》中的那个展昭，张振朗也不例外，也有这个想法，而他指自己接到角色的时候，心想“唔系啊话，张振朗？做展昭？”既然很难打破大家对何家劲演的展昭的概念，就不如直接用另一个切入点去揣摩和演绎，“你会见到我依家呢个展昭系五品带刀侍卫，而何家劲𠮶个呢系四品带刀侍卫，换言之就系喺成为大家心目中嘅展护卫之前𠮶个展昭。”所以他演的是类似少年版的展昭，而在剧集里面，他是在慢慢成长。他又说︰“佢哋（编剧）想我调皮啲，想我活力多啲，其实佢哋喺个剧本上面都赋予咗好多畀我，譬如你会见到展昭唔识字啦，佢系文盲，佢会打输畀人啦，你以前唔系见到呢啲嘢㗎嘛，同埋佢会追女仔追输啦，即系你会见到好多，展昭喺以前系一个神嚟㗎嘛，依家佢就变咗个‘人’究竟会系点样呢！”

而且拍《包青天》时挑战重重，张振朗说︰“我记得因为我系两套剧叠住拍嘅，我拍完《坚离地爱坚离地》凌晨3﹑4点收工，我都会去做运动做gym，做到朝头早6点嘅时候，我再接去开工，我经历咗呢一后好长嘅时间，我想为一个角色去付出一啲嘢。”却突然被一个天降的帐篷所伤，“我去同几个朋友食饭嘅时候，突然间天台一﹑二楼有个户外活动𠮶啲6支铁脚嘅一大个帐篷从天而降，楼下有间餐厅全部都系人，打唔中佢地，飞咗过黎我呢边，我避唔到，我即刻瞓左喺地下，成个压中我条腰。𠮶时我第一时间谂‘死火，我拍唔到呢个角色（展昭）！’因为我郁唔到，我打唔到，我所有心血都无晒，𠮶刻好唔开心。”虽然他被迫休息了几个月而无法继续健身，不过还好，公司将打戏搬到最后才拍，先带伤拍文戏，所以可能解释了现在为什么网民会指他演的展昭太瘦。种种障碍加起上来，令他感叹︰“呢套《包青天》唔系咁容易拍！”

抱乐观态度看“地狱黑仔王”之称

连续几套剧因为不同原因而被抽起，包括《机场特警》和受“安心事件”影响的《坚离地爱坚离地》和《牛下女高音》，三剧都是他做男主角，因此外界不知从什么时候开始，给他起了“地狱黑仔王”的名字。对于连串的事件，他直言︰“唔开心一定有，咁辛苦去拍几套剧集，都唔开心咗个零礼拜，即系我自己本身都系一个几乐天同埋正面嘅人，咁我又会觉得好少可喺TVB度能够有三套剧可以连续出唔到街都系一个几特别嘅嘢，我觉得一个演员需要好多经历，你先可以演到一个角色，呢啲就系上天畀我嘅一啲磨练。”《包青天再起风云》出街，代表张振朗终于有剧出街，他也坦言，很多记者朋友恭喜他。而且趁没有工作的时间，他跟屋企人去了旅行，也算是得著，所以“黑仔”与否，还是取决于个人态度。

初入行经济困难︰“有一段期间，唔敢同人出街食饭”

张振朗在2006年曾与洪卓立及沈震轩参加《英皇新秀歌唱大赛》，不过被淘汰，2011年毕业于无线电视艺员训练班后一年就正式加入TVB。挨了八年，首套“担正”做男一的《坚离地爱坚离地》却被抽起，回想这些年的时光，他坦言也挨过辛酸的日子，最实际的，难免要数衣食住行方面，他指自己刚入训练班时，收入只有四千多元，扣除往返住处屯门和将军澳公司的路，收入只余下一半，他谈及跟师兄师姐吃饭的一次经历，本来以为只是吃茶餐厅，怎料他们带他去了一间较高级的餐厅，一个午餐也要百多元，他说︰“然之后我已经‘唉，大获啦，月头咋㖞，咁我月中咁点算啊？’咁我好记得我系连𠮶个冻饮要加2蚊嘅呢，我都唔够胆加，跟住之后啲师兄师姐见到嘅时候，话‘嗌啦，我畀啦。’，都几……即系你话好惨又唔系好惨嘅，但系一个经历啰，咁我记得都有一段期间，唔敢同人出街食饭，啲朋友约会唔敢出去㗎，尽量悭得几多得几多。”凌晨也不想花钱搭的士，要搭公司车到旺角再转小巴和挨面包等他都试过，但他指如果没有这些时光，就不会像现在一样时时警剔自己不要乱花钱。

笑看“假Chilam”的称呼︰“我系想行张振朗嘅路”

张振朗常常被指像哪位男星，从一出道被指是“翻版黄黄宗泽”，到后来因在2014年《Sunday扮嘢王》中扮张智霖（Chilam）更受观众认识，张振朗直言有人会骂他“死假Chilam”，也有人在街上会叫他Chilam，对此，他觉得︰“点解佢哋会觉得我似呢？就系因为当年我扮嘅时候，即系我真系做到𠮶样嘢啦，我冇可能好似忘恩负义咁，我当年扮佢就得，依家畀人笑吓就唔得，所以我觉得OK嘅，同埋我知道自己做紧乜嘅，我系想行张振朗嘅路，我喺台上面𠮶年攞男配角嘅时候，我喺台上面讲过‘我唔要做任何人嘅翻版’，我就系要做张振朗。”《踩过界》中的Gogo就令更多人知道他不只是“翻版Chilam”，亦因为杰出表现而首次获得《星和无线电视大奖2017》“我最喜爱男配角”。

向外界坦认感情　不会刻意去避

除了剧集播出外，外界关心的无非是艺人的感情消息，有很多艺人选择“地下情”，不想曝光，张振朗却不是这种，他指自己一向都好坦白承认跟女友杨偲泳（Renci）的关系，也从来不会刻意去避，他说︰“我出街我都光明正大就咁出街，因为咁我都系人嚟㗎嘛，我都要出吓街食吓饭，我都想拍吓拖㗎嘛，我又唔系做紧啲唔见得光嘅嘢，我点解要去避呢。”不过他就讲到暂时未有结婚打算，他说︰“大家都仲后生嘅时候，都好想拼命去做好自己份工作先，自己嘅工作永远摆第一，我哋喺身边系互相扶持大家，大家向𠮶个目标出发咗先，呢个系我哋共同嘅观念嚟嘅，咁so far都几舒服，咁同埋我又会觉得我一个男人，即系你又冇车又冇楼嘅时候，你点样畀到安稳你另一半啊，你一个男人起码都要咁样先讲求婚啦，所以𠮶啲就容后再谈啦。”