【1圈圈】张振朗自爆用一年疗情伤　大赞现任女友杨偲泳人品好

张振朗（Owen）最近在无线（TVB）剧集《包青天再起风云》中饰演展昭，虽然穿上古装的他看起来较为瘦削，但其实一向有操Fit身形的他，绝对是一名肌肉男！作为近年备受力捧的小生，Owen不止戏剧作品一部接一部，合作的演员更位位都是女神级，一度被指是女神收割机。不过Owen日前接受电台节目《1圈圈 星光背后》访问时，就透露只跟一位圈中女星拍过拖，而且还花了1年时间才能走出情伤。

Owen曾与多位TVB花旦、小花合作，不时传出绯闻，对象包括胡定欣、龚嘉欣、陈滢、陈芷尤等，不过他就澄清只与陈芷尤有过一段情，两人同为第25期艺员训练班的同学，一开始是地下情，之后才慢慢浮面，可惜他们在去年4月宣布分手。外界一直以为他们这段情维持了3年，但Owen在节目中就自爆其实两人拍拖5年几，还剖白分手的原因：“可能大家追求嘅嘢唔同咗啦，佢去咗新加坡发展，咁我喺香港，可能大家嘅目标唔同咗，所以就分开。”

虽然Owen与现任女友杨偲泳（Renci）感情稳定，但他坦言当初花了不少时间才能治愈情伤：“都差唔多成年，好唔开心，好伤心嘅。最惨就系咁唔开心嘅时候，仲要走去开剧，心理质素系要调节得好好。几辛苦，但冇办法，人总要向前看，你冇𠮶段咁辛苦嘅经历，点会觉得其他时光会开心呢？最紧要系都过咗去。”

Owen透露与Renci在朋友聚会上认识，两人不时在网上放闪，Renci更因为Fit爆身形备受关注。Owen两任女友都身材出众，令不少男士十分羡慕，他笑笑口表示：“咁啱啫，顺眼啫，我钟意啲眼大大，面尖尖，得意啲细细粒。（最欣赏偲泳边方面？）细心、人品都几好，我好爱我屋企人，佢都对屋企人都几好嘅，呢方面我几欣赏。同埋佢都好钟意演戏，我哋倾戏会倾得好开心。作为一个演员，演艺生涯好艰辛，好想身边有个伴侣陪你喺身边倾诉一下，已经好足够。（稳定对象？）长远嘅嘢好难讲，但现在呢一刻几开心。”

在《包青天再起风云》播出前，Owen已经有两年没有新剧出街，担正做男主角的两套剧《坚离地爱坚离地》及《牛下女高音》就因为受黄心颖偷食事件拖累被抽起，不过他表示从来没有埋怨过对方：“我同心颖系朋友，我唔会做呢啲嘢，所以𠮶阵话我喺厂爆粗，但厂𠮶时已经拍完，出紧外景，完全冇做过呢样嘢。”虽然暂时未知两套剧几时会播出，但他坚信“冥冥中自有主宰。”

点击下图睇Owen更多生活照：