【木棘证人】张曦雯搭档罗仲谦感期待　希望呢位演员多啲嚟探班？

无线新电视剧《木棘证人》周四（8日）举行造型发布，是次担正做女主角的张曦雯（Kelly）饰演一位律师，与哥哥韦家雄从小相依为命，并透过哥哥认识了男主角罗仲谦。Kelly再次饰演专业人士，她直言：“我拍咁多套剧，差唔多每一次都系做专业人士，拍剧经验唔系好多，今次已经第二次做律师，对白方面应该难唔到我。”（为什么总是演专业人士？）“可能个样行出嚟好似，本身个脑系空白，但行出嚟好似好Professional（专业）咁。”

张曦雯自问自己与角色并不相像：“角色都几强势、泼辣，钟意闹人、又好自傲，但又口硬心软；但自己就唔系好识嗌交，一嗌交就会开始喊，有啲场口要同文慈嗌交，佢都惊我闹唔返转头，所以我要返屋企练下闹人！”Kelly坦言平时和男朋友相处也甚少吵架：“会倾啰，去到闹个位已经系返唔到转头；我男朋友又系好平静嘅人，所以好少闹交。（男朋友会氹返你？）通常都系佢氹我。（有什么行动去氹？）我通常瞓醒就会唔记得前一晚唔开心嘅嘢，所以通常我系自己冇嘢，所以佢嘅Job好Easy。”

在电视剧《木棘证人》中，张曦雯搭档罗仲谦演出：“我都好期待，好荣幸罗仲谦隔咗三年返嚟TVB，我又同佢有咁多对手戏。”说到对罗仲谦的印象，张曦雯说：“今日同佢交流觉得佢好Friendly、好多嘢讲、好搞笑，其实我自己好期待见到杨怡，因为我好钟意杨怡，我觉得佢系个好好嘅女演员，希望佢多啲嚟探班，可以认识到佢。”