张致恒被揭系感情骗子后首现身 称关智斌开红馆终可放心

撰文: 张嘉敏
出版:更新:

曾自爆患有性上瘾,现年34岁的张致恒(Steven)于上月25日在IG宣布已有未婚妻雯雯,并post了一家三口的合照,惊爆自已未结婚已做了爸爸,且已为儿子举行了百日宴。与此同时,他却被踢爆原来一脚踏多船,曾被他欺骗的受害人纷纷出来爆料指控他。事后Steven于IG出post道谦,不过就未有公开露面。今日他与未婚妻雯雯拍拖出街,带家中爱犬去睇兽医时,就接受了守候在他寓所楼下的传媒访问。

Steven同佢未婚妻雯雯。(图片来源:视觉中国)

Steven被问到近日的心情如何,他说:“沈淀紧,希望嚟紧会做得更加好。”对于拍档关智斌可以如期于红馆开骚,对此Steven表示:“我睇到呀,我睇到,至少放低咗一个心头石先。”至于之前是否无谂过公开婚讯后会发生这么多事?Steven说:“其实结婚就系人都会要结婚㗎喇,再加上我觉得自己要负返应该要有嘅责任。之前系贪玩嘅,咁但系依家有咗个BB之后,我觉得系时候要醒喇,要向前睇,要为咗家庭努力。”其实他的仔仔已经出世近4个月,但他在上月25日仍然是一脚踏几船。

Steven同雯雯个仔仔已经将近4个月大。(ig@stevencheung图片)

他续说:“其实我觉得喺依家呢个时势,大家都咁乱,香港都咁乱嘅时候,我唔想多讲咁多嘢。因为始终我嘅事,系我搞到大家都好似好混乱咁,我只可以同大家讲对唔住,唔好意思搞到大家咁混乱,我曾经发生过咁多事。”问到Steven现在复工未,他说:“其实之前一路都接咗啲嘢系未做嘅,嚟紧亦都会离开香港去拍戏,去边就未知住。”他坦言事件对工作有影响,不过他也会继续工作。他又透露结婚会低调进行,下个月结婚,暂时不会摆酒。有传Steven欠债累累兼被一众前度女友追债,问到他现时的经济有没有问题,他即以笑回避:“哈哈哈哈....其实就...呢啲唔讲咁多喇。”

心情唔算差!(图片来源:视觉中国)
Steven话关智斌可以开红馆演唱会令佢放下心头大石。(ig@stevencheung图片)

点击下图逐格睇Steven历任女友靓相:

+15