任达华遇袭失联5小时　琦琦：人生中最难过

琦琦今日（6/8）现身尖沙咀出席著名化妆品牌活动。提到早前老公任达华在广东出席活动时，遭一名陌生男子持刀捅伤腹部及手指后伤势状况，琦琦接受《香港01》访问时说：“华哥慢慢康复中，宜家都需要做好多物理治疗，之前医生话佢如果要完全康复，时间需要半年，因为佢宜家有伤口，咁所以要喺有冷气嘅地方休养较为理想，所以佢宜家成日喺屋企叹冷气，哈哈。”

（华哥洗澡需要人帮忙？）琦琦直言：“初初佢受伤时都会帮佢洗下面，宜家有时都会帮佢抹身。”回想起当日收到华哥遇袭消息，琦琦心情焦急万分：“当日我准备往上海工作，一早喺屋企执紧行李，当时华哥10点出事有打过俾我，但我听唔到，后尾11点几收到啲网友通知华哥遇袭，当刻好惊，即刻打俾老公，佢个电话打唔通，之后打俾身边啲助手都打唔通，之后联络到佢啲助手，问佢华哥受伤真定假？佢哋话系真，𠮶一刻真系晴天霹雳好担心，我即刻同华哥视频，华哥佢表现坚强，叫我唔使担心，我就简单执几件衫出门飞去北京揾佢，喺飞机上𠮶5个钟，系我人生中最难过，因为我上飞机嘅时候，佢已经全身麻醉做手术，咁所以都好担心。”