彩排《但愿人长久》多掌掴戏 江美仪自嘲面皮薄：准备啲冰敷面！
撰文： 吴子生
出版：更新：
江美仪今日（6/8）出席舞台剧《但愿人长久》记者会。美仪提到剧中饰演一名“巴渣婆”，与对手有连番激闹，有多场互掴场口，可以话真系掴到手痛：“其实最担心真系会打亲对手，因为喺打嘅时候，系冇规定打几多下，系打到当时嘅情绪觉得够嘅时候就要停，有难道嘅地方就真系惊打亲人哋，咁当然我都要俾对方打，都要受佢掴十巴，自己块面又薄，我又惊好瘀，咁所以会准备定啲冰用来敷脸，用来镇静下唔好咁伤。”
美仪透露问准导演许可，每次排戏必定携带两只爱犬陪开工：“因为宠物系我嘅陪伴，去到边我都会带住佢哋，佢哋两个都好生性，当有啲场口我闹人，又或者我俾人打，佢哋两个即刻好紧张，会警觉性好高，当我安抚佢哋两个嘅时候，佢哋会冷静咗落嚟，其实养宠物都几窝心，养宠物𠮶啲人就会知道。”