苏颂辉娶圈外女友Sophie　新娘爆求婚过程冇下跪：佢话揾唔到地方

无线明珠台男主持苏颂辉（Desmond）与圈外女友Sophie今日（3/8）于金钟举行盛大婚宴，并筵开28席款待各界亲朋戚友。Desmond透露近来忙于筹备婚礼，与太太两人都冇觉好瞓：“因为有太多嘢要准备，宾客嘅名单又要不停咁复检，怕会做错，咁所以寻晚都有啲瞓唔着。”

提到求婚过程，Desmond表示：“我同太太拍拖3个月后，之后4月后决定买戒指，准备同太太求婚，之后要忍受成3个月之后，喺去布吉旅行时同佢求婚，咁所以成件事系快嘅。”讲到当时求婚过程，太太Sophie甜丝丝说：“其实都几得意，因为佢尝试想制造惊喜，但唔系太成功嘅，不过又几好笑嘅。（有冇跪地求婚？）佢话佢揾唔到地方跪㖞，但之后佢有补返跪，喺其他场合跪过几次，都算佢啦，哈哈！”