遗憾当年未能加入Sun Boy'z 陈家乐自认零舞功：公司放弃咗我
撰文： 吴子生
出版：更新：
陈家乐今日（3/8）到深水埗出席著名珠宝新店开幕活动，他更化身成店长为准备出嫁的妹妹拣选一对龙凤鈪作为嫁妆，家乐表示：“今日妹妹同爸爸都有现身现场，因为10月细妹就要摆酒，其实一路爸爸都叫我系时候买啲嘢俾妹妹㖞，一路自己都冇理到，后尾发觉原来只有两个月㖞，之后谂买咩嘢好呢？咁啱今日嚟做店长，知道呢度有得买龙凤鈪，咁所以叫埋佢哋一齐嚟拣，一只龙凤鈪都要两万几，我会送一对畀佢。”
提到师兄关智斌（Kenny）成功摆脱张致恒桃色风波拖累，宣布9月红馆开个唱，家乐表示：“好开心见到佢能够完成自己嘅梦想，我好戥佢高兴，记得初入行嘅时候，佢系我师兄畀好多嘅意见我亦好照顾我，希望佢演出成功。”问会否以嘉宾身份上台跳舞唱歌？家乐笑言：“自己本身唔识唱歌跳舞，无谓献丑啦，好记得以前BOYZ刚拆伙后，Kenny变咗单飞，公司当时想组合一队Sun Boy'z，咁所以揾咗我，先后跳咗几堂之后，发觉原来自己真系唔得，公司放弃咗我。”