【理想国】吴海昕演超梦幻“爱的替身”：将宅男钟意嘅摆晒我度！

吴海昕今日（28日）出席ViuTV新剧《理想国》的记者会，而该剧亦将于8月5日启播。吴海昕是其中一个单元“爱的替身”的女主角，她饰演一名万人迷歌手：“但我系一个好倔强，好有个人主见嘅歌手，唔系主流嘅，不过我公司就迫我做一个好商业嘅歌手，所以经理人就帮我整咗一副AR眼镜，所有戴住眼镜嘅宅男见到嘅人都会变咗做我，一个衣着打扮都好梦幻嘅我，好似日本动画嘅初音，春丽头呀咁，所有宅男钟意嘅感觉都会摆晒喺我身上。”她补充这是一个一人分饰三角的挑战，分别是真实的自己、“理想”中的自己以及AR眼镜中的自己：“我成日都要睇返其他女演员做过嘅戏嘅Play Back，重复做多一次。”

《教束》分手戏获赞　吴海昕：系我同刘俊谦拍嘅第一场戏

提到早前吴海昕在ViuTV剧集《教束》中与刘俊谦真情剖白的一幕大获观众赞赏，她表示原来该场是她与刘俊谦在《教束》中第一场拍摄的对手戏：“我系第一次认识佢嘅，我哋都同导演讨论咗好耐先拍呢场戏，因为个情绪都比较复杂，又要爱又要离开，又唔了解大家但又好了解大家，所以拍完再拍其它，感觉似复合多啲。”吴海昕更透露将会与刘俊谦再次合作拍ViuTV的剧集，剧集将于北海道取景，为此她预先花了半年时间学习日文，令演绎角色时更加自然。