【包青天再起风云】吴家乐一秒变脸获激赞　重提被当透明：睇化咗

由谭俊彦、胡定欣、曹永廉、张振朗及姚子羚主演的新剧《包青天再起风云》以采花贼“花蝴蝶”的案件打头炮。剧集讲到高昌公主（吴沚默饰）与画师私奔，画师被杀，凶手正是杀害展昭兄长（郭子豪饰）的采花贼花蝴蝶，众人翻查案件，确认花蝴蝶为木匠杜江之孪生弟弟杜海（吴家乐饰），原来杜海与哥哥争执期间被其误杀，后因太压抑自己而患上人格分裂症，在特定时间下会变成杜江！

同时饰演杜江和杜海的吴家乐，时而温柔善良，时而残暴嚣张，他更在第二集中一秒由奸变忠，演技大获好评。家乐接受《香港01》访问时就透露：“我一收到剧本做呢个花蝴蝶，即系有少少人格分裂嘅双胞胎嘅时候都好开心呀，因为对于我嚟讲演技有新嘅挑战，虽然拍嘅时间都几长，但都好开心能够演到呢啲‘好玩’嘅角色。唯一我自己有少少……如果可以嘅话，有更多篇幅去讲花蝴蝶呢两兄弟，会更加精美同更加好玩，但实在有太多故仔串连住，所以唯有得第一、二集。”

点撃下图逐格睇点变脸！

问到拍摄时，家乐曾突然在Facebook指冇价值，俾人当透明真好冇瘾一事，他就强调：“其实拍紧嘅时候都有啲误会，我自己系有啲嘢想抒发吓，但完全同《包青天》剧组无关，当时我拍剧系拍得好开心。（系咪冇人再敢当你透明？）其实咁多年嚟都真系睇化咗喇，如果唔睇化好难喺娱乐圈一直坚持落去。”家乐更指这次远赴新疆拍摄绝对值得：“𠮶个环境真系好靓，后面系雪山，前面就系悬崖，我谂自己去旅行都好难去安排咁完美同咁完善嘅旅程。”