元朗白衣人追打乘客 庄端儿睇直播泪流满面：点解咁去打人
撰文： 吴子生
出版：更新：
庄端儿今日（23/7）现身九展ViuTV录影厂，为《晚吹 女学生吹水班》节目进行录影拍摄工作。提到读书时的回忆，端儿直言想起撞鬼事件：“𠮶阵流传我间小学有个音乐室好猛鬼，于是我就连同几名同学，等到放晒学，差不多晚上6点嘅时候，偷偷地上去音乐空灵探，但当我哋未上到音乐室就听到有步操声，系我哋迎面操过，个一刻大家都好惊，都冇求证间房啲画象系咪真系会郁，头也不回即系走。”
日前元朗白衣人“血流西铁站”事件，端儿睇到相关报道，表示十分难过痛心：“睇到当时新闻直播画面非常震撼，个晚我都睇到喊，当中夹著好嬲嘅眼泪，亦有啲带著感动嘅泪水，因为有啲市民真系走唔到，见到一队义载嘅车队去接佢哋走，亦都睇到有人被追打到出马路，都仲继续打佢哋，令我非常好唔开心，点解咁去打人。”（会否有阴影，怕穿黑白衣服？）端儿直说：“颜色我就唔会理，我觉得唔会为你而活，我唔会因为某事某人而去著任何颜色嘅衫。”