【对不起 标签你II】以Double May做主题　测试著数系咪特别多？

ViuTV综艺节目《对不起 标签你II》最新一集以身材较丰满的女生（俗称“Double May”）为主题，拥有40H上围嘅画家海诺喺节目中，除分享身材丰满带嚟嘅烦恼之外，节目更安排客席主持Odilia(陈康琪）疯狂升cup以进行测试。

测试一，Odilia先系带著平平无奇嘅身材去到连锁家电店买电话，结果零优惠之余，亦只系得手机套、mon贴呢两款赠品。之后素颜嘅Odilia连升几cup再露出纤腰去到同一家电店，结果除获赠蓝芽耳机、行动电源、手机套、mon贴之外，更有几位店员服侍，差别之大甚为明显。

之后Odilia继续以big迫上围去到油麻地进行另一项测试，同样系纤腰加长腿。手执风扇仔扮等人嘅佢，喺短短20分钟内不停被路人目光洗礼，期间几更三名男仕不停来回，最后仲走埋Odilia身边问:“几多钱?”唔系问路，而系问价！听到Odilia话“我几钱？我等人咋㖞”之后，男士即时尴尴尬尬走开。事后连Odilia都表示好唔好受，“如果我有咁样嘅身材，香港系未有地方唔应该行过或者有危险？我觉得系未有。原来大波妹拎住咁嘅身材出街系一定有压力，同埋一定有视奸呢样嘢发生，佢唔系轻轻望一望就算，佢系一直scan你，感觉好似就嚟食咗你，好唔舒服。”