森美无眼睇何君尧出巡即走　阮子健拒握手获网民赞赏

元朗同白衣人握手问好嘅新界西建制派立法会议员何君尧，今午去到港台出席节目《视点31》讨论“血洗元朗站”事件，多次喺节目上要求朱凯廸“唔好再讲光复”嘅何君尧，最后竟然嬲猪猪拍台走人。步出港台时，准备上车嘅何君尧，突然改变路线，亲自走出港台门口，与一众围观市民握手，并接受访问……

由于港台与商台邻近，唔少商台DJ趁机食花生，当中包括梁文礼、森美、Marco、阮子健（KY)等，不过，森美未等何君尧出嚟就已经走人返屋企。反观，Marco、阮子健同梁文礼全程直击。何君尧发表完伟论之后，一时间揾唔到自己坐驾，于是就问助手“我架车喺边道”，有市民大叫“元朗𠮶边”之余，《在晴朗的一天出发》主持人之一嘅阮子健亦向何表示:“你行错路”，得到温提嘅何君尧，为表诚意竟走上前欲与阮子健握手并表示“thank”，但阮子健就先系跷手继先双手合十拒绝何的好意。简单一个举动，即获唔少网民赞赏，“KY好波”等留言不停出现喺fb专页。