唔使担心拣咩内衣　洪永城一句说话𠱁掂长腿女友梁诺妍

自去年，洪永城与长腿女友梁诺妍（Inez）的恋情爆光后，虽然两人都十分低调，但却时不时在网上调情放闪，而洪永城身边好友亦早已确立了Inez“阿嫂”的地位，看来感情稳定。日前（20/7）她出席了Satami的运动内衣的品牌活动。虽然，当天因天雨关系，而令大会主要嘉宾板野友美迟到足足40分钟，但梁诺妍却是准时到达活动现场，十分专业。

梁诺妍（Inez）接受《香港01》访问时，就表示最近忙于个人健身工作室的业务：“同埋嚟紧年尾仲有个马拉松要跑，而家都要谂下点去练习。”男友洪永城有陪你练习吗？她笑说：“佢陪我？（反而）应该系我训练佢。我知佢有个目标，可能会报半马跑下。（喺后面用皮鞭鞭佢跑？）哈哈，有咩方法Work嘅我都会试下。”当日她出席运动内衣的活动，被问道洪永城的对内衣的嗜好，她就笑著说：“佢钟意边一款内衣？咁梗系我著咩都好睇啦，哈哈哈哈。（颜色呢？）应该都冇，都系我著咩佢都一定会钟意。佢都一定要钟意！哈哈。”

她续说：“不过我真系著运动衫多，佢见我嘅时间我都真系着住运动衫，通常都系教完班或者跑完步见面为主。（有冇问过佢钟意你着咩衫？)冇问吖，因为我一定要佢钟意，哈哈。我会话：‘唔准答，你一定要钟意。’唔可以Say No。”