【书展2019】电竞女神马俊怡自爆靓样进化过程 ：箍牙用咗十几万

电竞女神Rose Ma（马俊怡）今日（19/7）再度现身湾仔会展为写真宣传造势，现场所见大批粉丝手持写真到书报摊索取Rose Ma亲笔签名，场面十分墟冚。提及她出道只有6年时，为何样貌越来越标致动人？Rose Ma直言说：“觉得自己瘦咗，同埋箍咗牙，咁所以我觉得箍牙系一个超大嘅因数，块面瘦晒，你问我睇返以前啲相，自己都觉得整容啦，睇返啲旧相都觉得唔同咗好多。”

（箍牙用咗几多钱？）Rose直言说：“箍牙用咗5万蚊，最贵系整牙贴，整咗上前排8只，下前排8只，净系牙贴用咗我超过10万，整咗共16只牙真系超贵呀！不过出到效果好靓，都真系值得嘅，医生建议每三个月都会洗一次牙同检查，虽然会有少少唔方便，但我都唔抗拒睇牙医，因为自己都好钟意食糖，哈哈！”

（脸上粒痣脱咗？）Rose坦言：“之前听风水讲，话粒痣会惹是非，早两个月前脱咗，本身自己块面上有成10粒痣咁多，美容师就话顺便脱埋佢，所以宜家觉得成块面干净晒。”