【晚吹 - 啪啪Partner】火鸡姐忽然失踪　网民成功争取换主持？

由KOL晋身歌手行列嘅火鸡姐丁可欣，年初被爆出求学时期曾欺凌同学兼偷电话，虽然事后佢已经拍片道歉，但网民似乎唔卖帐，因为自4月开始佢为ViuTV节目《晚吹 - 啪啪Partner》担任主持后，留言如“火鸡姐唔系教偷野”、“火鸡？skip!”、“扮哂专家”频频出现喺ViuTV FB专页，更有部分网民扬言要罢睇。

嘈足几个月，最新一集《晚吹 - 啪啪Partner》继续有夫妻档嘅吕颖恒(Vera)同朱凯颂(Picco)，但就唔见火鸡姐，取而代之系曾主持ViuTV另一节目《全日情侣诊所》嘅娟姐练美娟！娟姐一出，网民反应一致叫好，认为个性爽朗嘅娟姐成功带动节目气氛，亦有留言表示“换主持可以一看”，究竟网民是否集气成功，将火鸡姐踢出局呢？ViuTV公关表示:“节目主持人都系以嘉宾形式主持，所以都有可以会不定时更换。”答案十分官腔。再睇睇娟姐自己喺fb嘅留言:“讲咗好快同大家见面”并加上“咁嚟紧逢星期一见啦”Hashtag，似乎已经印证网民集气成功。