陈炜大方承认恋上型男医生 　“我清楚晒佢嘅状况先同佢开始”

陈炜昨晚（16/7）现身湾仔出席慈善晚宴，谈到最近爆出新恋情，与现年45岁型男医生陈国强拍拖，并正式告别单身，炜哥表现得相当开心：“当初认识佢时，系揾佢睇医生，同埋揾佢做一啲医学美容嘅疗程，喺做嘅过程觉得佢好细心，彼此之间又好投缘，所以对呢个人都几有好感，但大家一直好忙冇发展，要拍晒《法证先锋》后，叫做可以休息落嚟，个阵先开始慢慢了解佢，同佢食饭再发展。”

有传男方其实已婚，还有两名女儿，对此炜哥为男友澄清在他们拍拖前，男方早已交代得清清楚楚：“佢离咗婚系事实，有两名女儿我系知道嘅，我系清楚晒佢嘅状况我先同佢开始，咁所以唔存在报导所讲嘅问题，亦都唔容许自己做呢件事，识咗佢知后，先知佢原来系我粉丝，佢会睇我啲剧集，就系咁大家会好多话题。（前夫有冇打电话恭喜你？）炜哥表示：“我谂佢唔知啩，应该佢未睇到报道住。”（感情稳定会否想过闪婚？）炜哥直言：“我谂宜家都系好初步，大家都仲系认识之中，我都冇谂过预期咁快会公开，咁所以都系俾我哋慢慢发展下。”