【晚吹】铁路公司员工爆料：最怕卖鱼佬嚟唱钱

港铁近年屡屡出事，ViuTV节目《晚吹- 又要威又要戴头盔》最新一集就揾嚟铁路公司员工大爆内幕。提到每次发生事故时，5位嘉宾都表示“最恶顶系啲客”，并指“香港人好钟意返工，只要返唔到工就会问候你全家”，他们又指由于公司向来都“服务至上”，故令不少前线同事十分大压力。“不时都会啲神沙党，拎几百个conis嚟话要换大纸，有啲银仔湿淋淋、有鱼鳞，你唔换个客就去投降，公司只会叫我哋尽做。”
 

铁路公司又指出每次遇上打风，由于公司并不会特别安排专车接送返／放工，所以只能坐“加价的士”。“打风前夕首先要尽快散啲露天站啲客上车，之后每两小时就要check一次个站有无嘢坏，返够12个钟，公司要你收工时，如果本身系喺露天站的话，根本唔会有车走，只可以留喺站内，公司话住当落场。”
 

讲到近年听得最多嘅“讯号系统故障”，几位员工都好快咁指出问题所在。“有时唔系车问题，大家可以谂下放系统嘅地方最需要系冷气，啲冷气由一直run，有无谂过部冷气要换?同埋好多时候都系两个系统一齐运作，换系统时又唔换冷气，一over-hit冷气停就会直接影响系统，设计project时净系会去更新系统，周边就完全唔关事。”