【白色强人】李佳芯膺视后靠睇戏提升演技：想推荐《上流寄生族》
撰文： 赖家杰
出版：更新：
李佳芯（Ali）今天（7日）出席TVB剧集《白色强人》强人．终章的活动宣传，Ali对于下周便要迎接结局非常不舍：“好多朋友都问我话前半段剧集内容都唔系喺我到，我话系呀，去到终章就有我角色所带出嘅讯息。依家都开始讲紧我个病复发，咁医唔医得好呢？医好又会点呢？呢个星期会解答。”
《白色强人》无论是收视和反应也是十分好，但时下年轻人和一些网友其实是以不看TVB为荣。Ali每次听到当然会有不开心的感觉，她说：“大家话TVB剧胶嘅时候，姑勿论系定唔系，每个人口味都唔同。但的而且确有一班演员同台前幕后真系唔瞓觉，日以继夜夜以继日咁制作剧集岀嚟去迎合大家唔同嘅口味，所以无论钟意同唔钟意都要去鼓励一下我哋。”
频道多竞争无可避免 Ali：话公司冇进步空间就假嘅！
不过要改变年轻一代的看法，Ali直言不够资格：“我冇咁大能力改变大家谂法，我只可以做好自己，尽量系自己范畴做好件事，希望观众会睇到我哋嘅努力。”但时下更多网络频道让大家可以选择观看不同类型剧集，Ali笑言是无可避免：“要计较输赢真系好难，每个地方都有唔同嘅资源。公司冇进步空间系假嘅，各方面都要提升，无论系演员要自我提升啦或者公司可以嘅系人力资源方面再俾资源当然更加好。钱冇人厌多，每个岗位每人做好少少，成件事就会好好。”
有入场睇《蜘蛛侠》 强推《上流寄生族》
然而得到视后的Ali，个人提升也没有放慢脚步，继续进修，吸收更多不同类型的电影或电视剧作品帮助她的演技，她说这是人生的功课。Ali透露提升演技当然要多看书和看电影，近期Ali观看了大热电影《蜘蛛侠》之外，她想推荐一套电影《上流寄生族》给观众：“我觉得呢套戏故事好，演员又演得好，内容上又有一啲讯息畀大家。我认为呢套戏系小品，其实我几钟意小品。”