马国明与黄心颖划清界线 称从未开始过：一路都系了解中
撰文： 林迅景
出版：更新：
“安心事件”发生已有三个月，事件中4位主角亦各自有自己应对方法。除令许志安、郑秀雯与马国明、黄心颖两对恋人之间的感情发生变化外，黄心颖更因“安心事件”而远走美国留学深造。日前马国明在接受《香港01》访问时，表示已经与黄心颖，今日（7月6日）出席商场活动时，亦再度回复了黄心颖近况的提问。不过，今次的答案就更为斩钉截铁，他回答：“由始至终，我哋都系朋友。”
替黄心颖求情 马国明：冇必要啄住佢
马明说：“其实我都冇咩可以再答，其实由始至终，我第一次回应嘅时候都讲咗，我哋到而家都仲系朋友。希望大家畀个机会佢（黄心颖），佢真系知错。我觉得都冇必要就呢件事啄住，发生咁大件事，我同佢都继续系朋友。我见到有啲网民都继续攻击佢，我觉得又冇必要。希望大家唔好咁过敏。（希望大家手下留情？）系啰，有边个冇犯过错。”
与黄心颖划清界线：由始至终都了解中
与黄心颖现在是朋友、好朋友还是甚么关系？他回答说：“由始至终都系朋友，所以大家唔使执著某一啲字眼。”由哪时开始是朋友？“啊⋯⋯其实我一开始已经话我哋系朋友，一路了解中。我哋都冇讲过啲乜嘢。”
问到黄心颖近况如何？马明没有正面回答：“我唔讲啦，唔想代人哋讲嘢。”有没有联络？“唔讲啦。”她现在在哪？“唔讲啦。传媒都有讲，佢喺美国读紧书，所以我都系知咁多。”她告诉你的？“唔讲啦。”