【REBOOT】周国贤超能力的悍警：整到个人伤晒！

由周国贤、吴浩康主演的ViuTV全新喜剧《REBOOT》将由7月8日起，星期一至五晚上10时正播放。故事讲述意外获得超能力的悍警周末（周国贤饰）、古惑仔刀boy（吴浩康饰）、虔诚神父来福 （骆振伟饰）及纯朴善良的汪汪（杨尚友饰）察觉到深水埗被邪教入侵，四人誓要将众人拯救。

周国贤日前拍摄时，与著名武打导演范秀明做对手戏，当中不乏动作作面，镜头前三两下招式范导已将周国贤制服：“咁范导系武打导演，功夫当然系好啦，呢场讲佢误会我偷咗银包，佢就制服我，其实拍完之后都痛痛地架，我明白呢啲叫真功夫。”周国贤亦表示自己少拍动作场面，试过缺乏武指情况下开工：“我之前有套电影，佢地冇请武指，但又叫我做好多危险动作，系唔识保护自己情况下，整到个人伤晒，之后都有少少阴影，但系喺未来我仍然想参与到多d动作电影。”他又表示想摆脱书生形象，笑言：“我都想学功夫同打拳操练，想喺未来将d男性刚阳味抆出嚟。其实之前都有操过，但之后又迷恋返上跑步，一跑步就搞到d肌肉冇晒，所以如果之后要操返大份d，都会跑少d。”