【法证先锋IV】李施嬅回巢补拍完成　“第二次讲再见比第一次难”

李施嬅（Selena）4月正式宣布离开效力15年的TVB，转签美国一间演艺公司，成为“Marvel队长”Brie Larson同门师妹。即使已离巢，但眼见有份主演的《法证先锋IV》因为“安心事件”而重拍，Selena亦不计酬劳再次回到娘家补拍，更讲到：“呢刻唔可以自私只谂自己！”相当有义气！不知不觉，Selena补拍的戏份昨晚（28日）终于完成，她亦在IG有感而发！

Selena在IG写道：“#法证先锋4 Dr Man 杀青了。感谢大家的坚持同努力。第二次讲再见，比第一次难。为什么呢？”她更拍短片带大家参观TVB，更多次讲到see ya TVB，令不少网民看完后都留言想哭。

Selena接受《香港01》访问就透露自己的确比较感性：“之前我哋都拍咗差唔多半年，之后又拍咗差唔多一个月，所以同啲工作人员同同事都做晒朋友，相处咗咁耐都会有啲感情。好似好耐冇见，又见返都好开心，但咁快又要讲bye bye，系有啲唔舍得。每次拍剧都会唔舍得，特别系呢次拍得仲耐啲添，但都ok嘅，开心嘅，迟啲出街或者聚会都会再见，只不过我自己感性少少啫。”

点撃下图睇更多剧照!

问到落足心机拍《法证先锋IV》，有没有打算回来争视后，她就笑言：“其实呢几年都冇谂过呢样嘢，完全都唔系我会去focus嘅一样嘢，其实都系focus自己，希望大家钟意我嘅演出。我觉得而家太多嘢发生喺我个life嘅入面，所以我都唔会花咁多脑汁去谂啲我控制唔到嘅嘢。而家TVB入面都有黄智雯同姚子羚咁样，希望睇到佢哋攞视后啦！奖项嘅嘢，都系唔谂反而会嚟，所以唔会谂太多！”Selena又透露稍后的工作会周围飞，亦将会有好消息告诉大家。