【大酱园】龚嘉欣疑遭懒虫连累　挨到再度入院：有苦自己知

正忙于拍摄民初剧《大酱园》的龚嘉欣在IG发文称自己因连续出现耳水不平衡的情况，更多次呕吐而在昨晚（28日）再次入院，情况令人担忧！但就有剧组人员爆料实情是有演员经常请假，连累龚嘉欣要挨义气连续开厂，最后体力不支，病情加剧！龚嘉欣今午极速出院，更现身TVB准备继续为剧集开工，并交代自己的身体状况。

明显消瘦不少的龚嘉欣就讲道：“我㖊晚收凌晨3点，之后即刻去医院，今朝再出院。其实医生唔建议咁早出院，但我冇办法，工作已经排晒，如果我唔做影响嘅人好多，咁我觉得顶到咪继续顶。（㖊晚又晕又呕？）系呀，直情似有咗咁。拍嘅时候我都好惊呕落张地毯度，系咁同自己讲唔可以呕落张地毯度，如果唔系连唔到戏。一收工，真系饮啖水都呕，少芸（郭少芸）都好好，有买杯热柠蜜畀我，龚姐（龚慈恩）都有打畀我问我点。”

更多最新照片!

近年龚嘉欣拍剧拍到搞到周身伤，但她就从来没有冧厂：“我都几挨得嘅，好似从来都冇试过唔返工，因为我尽量都唔想影响个制作，但有苦自己知。（会唔会想休息？）拍完呢两个礼拜会休息呀，暂时唔拍剧住，休息几个月，因为本来身体已经唔好。（但上紧位，怕唔怕有影响？）几个月啫，但其实后面都有接咗啲工作，系呢几个月啫。（暂时停工？）几个月啫，唔好讲到我以后都唔返。”

点撃下图睇更多剧照！

虽然身体不适，但龚嘉欣继续顶硬上，到今早出院才告知监制情况。至于问到有传剧组有演员疑似拍得太辛苦经常请假，但龚嘉欣就表示所有演员都相处得好好。

点撃下图睇更多嘉欣靓相！