林芊妤唔淮自己太性感　著紧身衫都怕尴尬：我系咪变咗呀？

林芊妤（Coffee）今天（26日）出席内衣品牌活动，一向性感大胆的她，当然是以性感的内衣登场。而更大胆的是她是由家中穿着内衣到这活动场地，Coffee笑言：“我今日就咁着出门口，我仲去整埋头发添。不过其实我都有一件西装褛着住上身，但系到现场我就觉得自己比较密实，因为见到沈卓盈同王丽嘉都好性感。”

自从结婚和生完小朋友后，Coffee对内衣要求的款式也不高，她解释：“其实我依家仲系喂紧人奶嘅妈妈，所以我都系著母乳内衣，呢啲内衣可以性感得去边呀。所以其实都唔会好性感。”但是今天因为工关系要穿上性感内衣，Coffee会否怕老公介意？“其实佢唔知，佢都唔会理我工作，我老公对我完全自由度100，我同佢讲返声Ok，但今日冇讲，不过唔紧要啦，佢唔会介意，因为佢外国返嚟嘛，佢唔系中国人咁传统。”

Coffee表示现在的她有意无意也会刻意收起性感：“其实我有时候会好尴尬，试过著一条裙紧身少少，Show到好好身材，屋企工人都赞我著得著。但我照镜望一望都系唔好，著返松身衫，我变咗啦，系咪呀？”

另外自从儿子出生后，Coffee坦言工作比之前更忙，更觉得老公找到一个好老婆：“我依家忙过生BB之前，除左照顾囝仔，好多人都钟意佢，包括广告商，所以成日都母子档出去拍广告。加上其实帮老公悭好多，奶粉又唔洗钱，我喂人奶嘛，尿片又有赞助，我老公娶啱人。”