【烈火雄心】“双古一邓”曾被力捧　邓一君无悔退出娱乐圈

最近在深宵时段重播的TVB经典剧集《烈火雄心》，吸引观众再度追看。邓一君在剧中挑战演智障少年刘海宝，超水准演出令人留下深刻印象！虽然邓一君已经淡出演艺圈，但童星出道的他，原来曾被哥哥张国荣点名大赞。哥哥当年曾公开表示睇好“双古一邓”三位新人，“双古”指的是古天乐和古巨基，而“一邓”就是指邓一君。

邓一君自9岁开始拍摄港台节目，因为样子精灵，一直不乏演出机会。之后在《纵横四海》中饰演童年版周润发，虽然哥哥也有份参演，但两人却没有对手戏，直至到金像奖颁奖典礼，他们才正式相识，邓一君在接受《香港01》访问时透露：“𠮶阵因为《记得…香蕉成熟时》获提名最佳新演员，哥哥都有出席，咁我哋又同公司，自然都有倾偈。后来拍《记得...香蕉成熟时II初恋情人》哥哥有客串，我哋就有对手戏。（有冇教你演戏？）唔可以话教，但佢有同我分享对电影、音乐嘅心得，唔止喺现场有倾，平时我哋都有Keep住电话联络。”

对于获哥哥公开力赞，邓一君也表示很感激对方：“好惊喜呀，一个咁资深嘅前辈赞我，当时真系好开心，同埋好多谢佢。（退出娱乐圈会唔会觉得可惜？）初初都会，点解自己冇坚持，但而家谂返其实唔需要可惜。始终电影圈娱乐圈同其他行业唔同，唔会话走咗就返唔到去，其实我随时都可以返去拍戏，将来嘅嘢话唔定，可能我会做埋影帝呢？不过我觉得呢个决定系啱嘅，因为我唔拍戏之后真系开心咗，我而家好享受生活，活得好好，我相信哥哥见到都会戥我开心。”

拍完《记得…香蕉成熟时》后，邓一君加入TVB拍摄了第一套电视剧《五个醒觉的少年》，此剧成功令更多人认识他：“当时TVB揾我做男主角，经理人就叫我试下。呢套剧令我入屋，当年仲系TVB收视冠军，后来喺大陆播，令更多内地观众钟意我。”他在TVB参演了不少剧集，当中《烈火雄心》可以算是代表作之一：“如果要排，《香蕉》一定系第一位，第二系《五个醒觉的少年》，第三系我喺教育电视拍𠮶啲，《烈火雄心》排第四位。”

当时邓一君在演艺圈发展算是顺风顺水，但天生Baby Face的他，一直在剧中饰演弟弟的角色，戏路受限：“我有讲过想试下做坏人呀、杀人犯呀，但导演话‘你似俾人杀多啲’，所以其实我系从来未做过反派嘅。”考虑到前景不乐观，邓一君在2005年决定转行，投身保险业做理财顾问：“做演员好讲际遇同运气，有可能你做十年都唔得，变咗做茄喱啡。最主要都系生活问题，想买车买楼，又想结婚生小朋友，样样都系钱。但我𠮶阵每个月得两三万，自己又会同身边人比较，点解我待遇差？太多不明朗因素。但做保险唔同，只要你够勤力，肯用心就会做得好。咁我谂自己人缘又唔差，同人沟通又冇问题，咪试下啰。”

邓一君从事保险业多年，发展越来越好，现时是高级分行经理，年薪过百万，他也视为终身职业。除了正职之外，他也与朋友夹份投资开车仔面店，在今年年初开业：“当系一种投资同兴趣，有三个股东，只系考虑到我做过演员所以先用我个名改做一君士多。”如今邓一君事业稳定，但他也不排除客串演出：“睇两个因素：如果系古仔揾我我一定拍；第二系睇角色，反派同杀人犯我一定唔做，因为我唔想有负面形象，我又唔系演员，唔系求发挥。”希望有机会再看到邓一君的演出！