【白色强人】将四大女神优点集一身　冯盈盈：唔好过度沉迷同上瘾

最近以医疗改革为题材的TVB新剧《白色强人》讨论度甚高，除了因为剧情贴近社会议题之外，一众演员都深受观众喜爱。尤其是一班靓女医生包括李佳芯（Ali）、唐诗咏、张曦雯（Kelly）、冯盈盈更成为焦点，更有网民指如果可以集合4位的优点于一身就最完美！

《白色强人》演员阵容鼎盛，特别是女演员阵容更是美女如云，无论是饰演心胸肺外科医生的Ali同盈盈、饰演脑神经外科医生的Kelly，还是饰演急症室医生的诗咏，各有各美。不少观众都大赞新剧演员颜值超高！当中更有网民提议：“如果系Ali样+Kelly身材+FYY把“淫”声+诗咏内心就Perfect喇！”

对于被网民大赞把声，盈盈在接受《香港01》访问时就表示：“我都唔知点解佢哋会咁理解，但起码证明一样嘢佢哋系钟意把声，先会有更进一步嘅遐想。咁我都控制唔到，但系最紧要唔好过度沉迷同上瘾，有损身体健康就得喇。其实之前一直有人话觉得我主持嘅时候把声太高音、太尖、太嘈，但嚟到《白色强人》佢哋竟然话欣赏我把声，可能佢哋察觉到我拍剧嘅时候系有刻意去压低啲把声啦，令到可以更加切合呢个角色，唔会太突兀令观众睇得好出戏呀、唔投入呀。咁我都好感激网民都有睇到我呢一方面嘅努力同付出，表示认同，对我做戏把声畀咗肯定我。”

港姐冠军出身的盈盈自然美貌与智慧并重，但没想到她这次不是因为样貌出众被大赞，而是靠声音胜出，不过盈盈一样好感激大家的赞赏：“好多殿堂级嘅演艺人马，好似肥肥沈殿霞咁，佢最标志性嘅就系佢嘅笑声。我觉得如果真系可以做到未见其人先闻其声嘅话，咁起码你建立咗一样好标志性嘅嘢，令到人哋一听到你把声就认得出。而且人哋话做艺人声色艺好紧要，如果喺声音𠮶方面已经可以令到你好独特，好易认得嘅话，咁就成功咗三分一喇。”

今次同三位靓女合作，而且相比起Ali同诗咏两位视后级人马，盈盈算是演戏初哥，不过她就未感压力大：“同三位靓女合作系荣幸，系开心事。咁我做返自己角色同本分，我哋唔系选美比赛，冇直接竞争。”为了演好角色，盈盈事前做了很多功课，除了记熟对白中的专业名词之外，她更找担任医生的男朋友帮手：“我仲会向宝宝（男朋友）请教，自己又会上网睇医学论文，睇返每只药嘅副作用呀，咩情况会用呀，因为要好了解先可以用个啱嘅语气读出嚟，演出嚟。从呢个过程中我都学到好多新嘅知识，所以𠮶段时间我同宝宝啲朋友食饭可以听得明佢哋讲咩，好似上咗个医生速成班。但我觉得自己付出过心机，真系帮到我做戏时肯定啲、自信啲，呢样先系最大嘅得著。”

点击下图欣赏4位靓女更多靓相：