陈芷尤返新加坡做女主角　片酬待遇倍增：唔考虑返TVB啦

曾在《城寨英雄》饰演四朵金花之一嘅陈芷尤（Apple），自从与张振朗分手后，随即转战新加坡发展，并以国民电影《新兵正传》打开知名度。本身喺新加坡长大嘅佢，讲得一口流利英文，再加上打得又睇得，令陈芷尤拍毕《新》后，接连有电影以及网剧揾上门，过去一年多时间，陈芷尤将工作重心转移到新加坡以及台湾，香港呢？只限探亲。她接受《香港01》访问时表示：“其实同TVB约都算完咗，虽然之后有倾过，但应该都唔会继续。”

之所以完全唔考虑TVB，除咗系因为未试过拍电影之外，喺新加坡嘅待遇亦甚为吸引。“价钱当然系好过TVB先会咁拣，同埋因为我喺香港艺人，所以又会再比多啲。”讲完价钱，又不如讲下工时，陈芷尤表示喺新加坡拍剧／戏，规定每日最多12小时、拍7日放1日，完全唔似得大台剧集，有开工无收工，所以整体来说都算轻松。“其实当初拍《新》时，最大担心系因为呢个作品前几集都有好好票房，我要加入时，好多人都会问点解揾香港艺人，自己系有压力，好在出到嚟嘅反应都好好，年底会开第5集，我都会继续参与。”
 

由梁智强执导嘅《新》，系为纪念新加坡国民服役制度45周年而拍摄嘅作品，电影在当地上画时，荣登新加坡影史上最卖座的华语片，亦因此带来了续集嘅商机。陈芷尤当初透过朋友介绍下得到试镜机会，她二话不说飞到新加坡与导演见面。“因为自己有睇开《新》，同埋未拍过电影，所以朋友话可以试镜时，我谂都唔谂就飞咗去新加坡。”此外，她过去一年，亦先后与台湾女神安心亚合作电影《杀手不笨》、网剧《神奇之吻》、《我的左邻右里》，就咁睇，都见到机会比大台多好几倍，试问识得拣都都知道点拣啦。