楼南光新戏再演咸湿老板　重提娱圈咸猪手事件：女主角喺呢组戏！

楼南光今日（18/6）现身黄竹坑为ViuTV新剧《Me Too》宣传造势。他在剧中饰演一名手多多大老板，攞正牌任摸同剧女演员，可谓过足“手瘾”：“啲人成日话我好正有女摸，边到系呀，其实我嘅角色系反映咗办公室入面啲老板诈诈谛抽水借机摸手仔，然后想有进一步发展，其实系讲现实世界个种情况，觉得好贴地。”

N年前娱乐圈惊现有男艺员借机向女星扫背摸股抽水事件，当年楼南光被误会为该名咸猪手男艺人，事后查出原来另有其人，还他一个清白：“如果剧组传出有咸猪手，通常大家都会第一个谂我，因为我个样似又同过叶子媚合作过。喺好耐以前嘅戏都系演呢啲角色，但如果当时要我同吴君如拍嘅话，如果佢肯，我都梗系唔制啦，哈哈！不过演得多个呢啲角色，变咗好多人都误会系我啰，不过后尾查出唔系我，原来另有其人，话一个道貌岸然嘅先生，原来系呢个人咸猪手某个女星，其实当年个位男主角我知边个，佢仲系呢个圈，而女主角我都知边个，呢位女主角仲要系喺呢组戏添。”

《香港01》记者翻查资料，90年代的媒体报道，曾有一宗颇为轰动的“咸猪手”新闻，指无线剧集拍摄时有一位男艺人遭投诉，涉嫌非礼同剧女演员，其后该男艺人虽淡出电视圈，但仍有拍戏。而楼南光口中提到的事件女主角今次就一起合作ViuTV新戏。