【逃犯条例】Do姐电台节目爆喊为学生心痛：香港系我哋嘅屋企

修订《逃犯条例》草案，引发空前绝后的示威及冲突，昨日（16日）民阵官方宣布游行参与人数高达“200万+1”人，而警方则表示经原定路线高峰期有33.8万人，要求政府“撤回”修订。继903电台DJ麻利早前于主持节目《口水多过浪花》时读出一篇《作为70后，我深切向青年道歉》的文章时，几度感触落泪，感动了不少节目听众。而郑裕玲（Do姐）刚拍摄完TVB节目《Do姐晚间看地球》外景，回归电台节目《口水多过浪花》时，一开咪已经语带哽咽，令人心痛！

“喺过去两个礼拜，我去咗第二度，系为咗拍我一个节目，但系呢喺当时，我哋收到好多关于香港嘅消息，睇到好多好心痛嘅场面，尤其是我哋香港嘅学生同埋年轻人。”Do姐接着说道：“呢两个礼拜其实我哋去咗好多地方，要坐好多车、好多飞机。但系最后嘅一程，就系我哋最盼望嘅一程，因为𠮶程系飞返香港，香港系我哋嘅屋企嚟。发生咗好多事，屋企系最紧要... ...I'm sorry，可能我老咗，好情绪化。”

收拾少少情绪后，Do姐再讲道：“我哋要珍惜呢个屋企，同埋尤其是我哋嘅年轻人，同埋学生。我好希望香港可以好快回复返平静，我哋和平相处嘅状态。中间我有同迪伟（余迪伟）倾过偈，我同佢讲，其实我觉得呢，我系一个娱乐人，喺一个咁绷紧嘅状况之下，我觉得我应该做返我嘅责任。”节目一出，不少网民都表示多谢Do姐，更指她相当有良心！