【多图】陈庭欣Fit爆拍《3日2夜》：有畀心机操练先敢去呢个trip
陈庭欣 (Toby) 早前为了拍摄无线旅游节目《3日2夜》，特地下了一番苦功努力keep fit，结果如愿操得一身fit爆身材，以最佳状态示人。Toby表示：“我有畀心机操练先敢去依个trip，所以今次系sell阳光健康。当地嘅天气好舒服，唔系热嘅，好大风。”她此行去了太平洋岛屿新喀里多尼亚拍摄，面对阳光与海滩，当然少不了泳装上阵啦。Toby与摄制队还获当地部落居民设下国宴款待他们。
Toby一副fit爆身材完全是努力和汗水的成果，她说：“主要系靠做运动，因为要拍嘢所以有个目标去操fit自己，就会更加有恒心。我都好多谢公司久唔久就安排我拍一啲旅游节目，等我可以提醒自己系时候要操练喇，有个目标系好好多嘅。通常我会喺出发去拍摄之前嘅1至3个月开始准备，我会去上personal trainer嘅堂，我都好勤力㗎，愈近出发嘅日子就会愈去得密，一星期会去4至5日，每次操练个半钟至两个钟已经好够。”Toby的personal trainer会对针对她的体形来重点训练：“我啲手脚唔系重灾区，所以唔使做太多呢方面嘅运动，但系都要做，例如做掌上压，举哑铃等，要畀重量去练。”
拥有蚂蚁腰和11字腹肌以及迷人马甲线的Toby，腰部是她要重点操练的地方：“我觉得修腰系最紧要，我做好多修腰嘅动作，包括平板支撑、mountain climb，负重扭腰等等，其实真系好辛苦，每一set要做50秒、60秒，每款动作要做4次左右，但系我觉得呢几十秒嘅时间好漫长，要系咁同自己讲要挨过去。同埋我都要挑战自己最唔钟意嘅跑步，觉得好闷，但系跑步原来系必须嘅，我跑半个钟已经想死，要同自己讲数，例如今次跑10分钟，下次跑15分钟，将跑步嘅时间慢慢加上去。”Toby表示要视乎个人的体质去做运动，除了上堂之外，她在家也会继续做运动操练。
至于饮食方面，Toby并没有特别戒口：“唔使拍嘢嘅时候，我平日就无特别戒口嘅，有keep住做运动，会提醒自己食7成饱，食多啲菜同水果啦。但系要准备拍嘢之前，开始真系要减下食，我就会食5成饱，早啲食晚餐，6点左右要食，晚餐戒食淀粉质。到拍嘢前一个星期就要食得好清淡喇，要戒晒所有零食。”
点击下图逐格睇Toby今个旅程嘅靓相，以及佢之前嘅水着look：