【逃犯条例】看警方金钟武力清场画面　森美感震撼：开唔到心！

森美今日（14/6）以“捐血宣传大使”身份出席由香港电台与香港红十字会第二年携手合办的“热血港台@世界捐血者日”2019启动仪式，呼吁大众一起捐血救人。森美表示：“细个嘅时候喺婆婆度住，见到舅父捐血捐到有个奖励木牌，后尾先知道呢个牌要捐够2百次先有，原来先知道佢捐咗咁多血，再加上我出世嘅时候，妈咪大量出血，当时需要输血先冇事，咁所以呢两样嘢令我去捐血嘅原因，因为冇大家嘅捐血，我可能都出唔到世。”

提到最近香港特区政府就《逃犯条例》修订引发大规模示威，日前警方在金钟武力清场，不惜用橡胶子弹及催泪烟等武器驱赶示威者，森美哽咽表示：“画面系好震撼，最牵动我情绪系我身边年纪比较大嘅爸爸，佢讲返俾我听佢亲历其境嘅时候，佢嘅眼泪不停咁流，我见到一个大男人几十岁，比我年仲要大，佢讲返当时嘅情景时，喺我面前流眼泪，就更加触动到我，画面好多时候俾我睇到系震撼，但真系触动到我嘅心就系你身边嘅人嘅情，我觉得香港人最靓嘅地方就系，人与人之间𠮶种关怀，佢更讲俾我听，佢在阵压现场与年青人之间扶持嘅爱，喺我信仰之中爱是很重要。”

（现在心情平伏啲吗？）森美伤感直言：“相信与好多香港人一样伤心同痛心，平伏嘅希望将来会系点，希望可以在和平当中，大家都能争取到大家想争取嘅嘢，呢样嘢都好紧要，好似我哋平时做节目都会好开心，就好似寻日香港嘅听众玩唔到，开唔到心，咁我哋就转咗节目做嘢嘅形式，叫大家将自己嘅歌点俾香港听啦，听众就讲佢哋心中嘅说话，我哋就代佢哋读出心声，我哋觉得𠮶日刻系可以舒缓沉重心情，希望大家能在自己嘅岗位做到最好。”