【东张西望】穿小背心访问阿叔被𥄫心口　阮嘉敏尴尬：佢有望吓我

《东张西望》主持阮嘉敏（Mandy）日前去到屯门公园采访大妈歌舞团与阿伯大跳贴身辣舞的情况，身穿黄色小背心的她在访问一名知音常客陈生时，就被对方狂𥄫住心口，令不少观众哗然！

近年屯门公园遭大妈攻陷，网上更流传不少身穿紧身衣的女子于公园内大跳辣舞，围观的人士除了会会付20元至100元不等的打赏外，更有阿伯上前贴身共舞，该行为除了严重影响区内人士使用公园设施，更惹来卖弄色情，影响市容之嫌！

访问1分钟　陈生𥄫足4次

当Mandy访问知音常客陈生时，陈生就直认自己亦会派利是：“开心咪派下啰，唔开心咪唔派。（你每日派几钱利是？）冇一定，可能2、3百又唔定，派4、5百又唔定。（其实点解你会派利是畀佢哋呢？）习惯咗，派咗好多年喇喺度。（有咩驱使你会畀钱佢哋？）因为识得耐啰，同埋有交情啰，我哋落去好多时都有啤酒饮。佢见到我嚟，俾啤酒我饮，我咪畀返封利是佢啰！”访问过程大慨1分钟左右，陈生在镜头前𥄫足4次，不少网民都留言：“阿陈生...你𥄫够人地个心口未呀？”和“好耐冇后生女坐咁埋？”等等。

点击下图回顾阮嘉敏当时采访陈生的情况：

Mandy解释穿背心有因　临时决定到屯门采访

对此，Mandy接受《香港01》时就表示：“当时访问陈生嘅时候，因为都做紧嘢所以就冇太大嘅留意，我见到佢有望吓我嘅。之后我啲朋友send返条片俾我睇嘅时候，就会觉得……会有啲尴尬。因为其实估唔止我喇，所有嘅女性都唔希望发生呢啲事情。”Mandy又解释自己当日的打扮本身是采访生日会：“因为工作上临时有啲调动，所以就去咗屯门公园做采访。《东张西望》好多时都要做外景，好多时工作都好难避免呢啲事情，唯有自己再做好啲，可能衣着方面做多啲准备，带定外套或者多套衫去换，自己尽量保护返自己。”

点撃下图睇更多阮嘉敏日常照！​