余德丞罕有花喱碌示人　看淡男神称号：做得男艺人都有返咁上下

余德丞（Dickson）周三（5日）出席时尚品牌活动，分享了自己平日的穿搭心得：“其实都系简约为主，唔会系太多花喱碌嘅颜色，所以今日见到我咁花喱碌系好少有。”Dickson又说其实自己是出席活动才会穿得比较花巧：“因为个人本身比较低调，如果正常自己出街都系好简单、轻便、自在，甚至俾人话着得颓！”

余德丞说自己喜欢著靓衫、影靓相，问到个人认为怎样拍照会比较好看，他说：“其实我都不断去拿捏近，因为其他人话要对住块镜不断尝试，睇下点样先系最Chok，但其实自己望住自己同睇返啲相都系有啲尴尬。啲Fans话我左边面靓少少，但我就硬系唔钟意，要畀样衰啲呢面畀大家睇！”余德丞笑著反行其道展示他的右边面。对于被封为男神，他就回应道：“都系一个称号嚟啫，始终呢个娱乐圈里面做得男艺人嘅都有返咁上下，都会系靓仔、有型、有魅力，但最紧要观众见到我哋系开心，或者畀到啲有深层意义嘅嘢佢哋，呢个系我更想要嘅。”

无线电视节目《如果这样生活》正在播映，余德丞是第六集的主角，他说过程甚是难忘：“𠮶次系我出院之后第一次搭飞机、第一次出Oversea嘅Trip，估唔到我去个地方好隔涉，喺东京转三个钟内陆机去米子、再搭三个钟船、再转细船先去到个小岛！”Dickson认为自己的故事与当地主角——一个放弃城市高薪、转去偏僻小岛经营摇滚民宿的厨师某程度上有点相似，但问到Dickson喜欢乡郊还是城市，他就说：“始终香港人都系习惯咗城市生活节奏，去乡郊放假梗系好，但如果要放弃五光十色嘅香港就会唔舍得！”

点击下图观看更多图片︰