【如果这样生活】重回台湾寻找爱情 陈炜参加相睇：好特别嘅体验
撰文： 黄欣华
出版：更新：
态度决定高度？陈炜、袁文杰、洪永城、杨明、张颕康和余德丞等周五（31日）齐齐为《如果这样生活》造势，节目中9位艺人走访日本、台湾、内地多处，看看别人的生活态度，分享自己的故事。当中，对爱情仍有憧憬的陈炜，更被安排在台北参与相亲活动，相当刺激！
炜哥曾在2008年与台湾商人颜志行结婚并离开娱乐圈移居台湾，问到对台湾是否有情义结，炜哥直言：“当然呢个亦都系我曾经生活过嘅地方同曾经有过爱情嘅地方，所以去返呢个地方睇吓可唔可以再揾到属于我嘅爱情。（算唔算特别钟意台湾男仔？）其实每个地方都有好嘅男仔，睇你遇唔遇到，而今次我去参加两次相睇活动，从来冇谂过自己有机会去相睇，所以系我人生当中都系一个好特别嘅体验。”
炜哥直言参加相睇活动相当尴尬，更称：“其实个个条件都好好，第一轮倾偈时，我觉得尴尬，到第二轮时又要重复自我介绍，我已觉得好闷，冇得深入了解对方，每次都系自我介绍，对我嚟讲麻麻地，我谂我都要喺朋友圈入面认识！（有咩择偶条件？）至少要高过我，好人同有爱心。”